Teitl y Swydd: Tiwtor / Asesydd Prentisiaethau Gwaith Ieuenctid NEU Tiwtor / Asesydd Prentisiaethau Gwaith Ieuenctid o dan hyfforddiant

Math o gytundeb: Swydd barhaol

Oriau gwaith: Llawn amser (35 awr yr wythnos)

Graddfa: Graddfa 4: £27,200 - £29,916 NEU Graddfa 3: £24,942 - £27,191 (os o dan hyfforddiant)

Lleoliad: Ynys Môn, Bangor, Dinbych neu Glan-llyn

Dyddiad Cau: 19 Chwefror am hanner nôs

Dyddiad Cyfweld: i'w gadarnhau

Yr Adran Brentisiaethau

Mae Adran Brentisiaethau’r Urdd wedi bod yn darparu hyfforddiant o’r safon uchaf ers degawd bellach ac yn arbenigo mewn darparu rhaglenni cyfrwng Cymraeg a Ddwyieithog.

Y Swydd

Mae cyfle cyffroes i unigolyn ymuno gyda’r adran fel Tiwtor / Asesydd Prentisiaethau Gwaith Ieuenctid neu Tiwtor / Asesydd Gwaith Ieuenctid (o dan hyfforddiant). Mae’r swydd yn cynnig cyfleodd deithio ar draws Cymru, i ymweld a gweithleoedd amrywiol ac i gefnogi ystod eang o brentisiaid.

Prif bwrpas y swydd:

Yn dilyn llwyddiannau Adran Brentisiaethau’r Urdd a’r Rhaglen Prentisiaethau Gwaith Ieuenctid yn mynd o nerth i nerth, mae yna angen am asesydd eiddgar i ymuno â’r tîm. Bydd y swydd hon yn un allweddol er mwyn darparu dysgu, addysgu ac asesu o’r safon uchaf i brentisiaid Gwaith Ieuenctid.

Hyfforddiant a Datblygiad Proffesiynol (yn berthnasol os o dan hyfforddiant):

Bydd yr ymgeisydd llwyddiannus yn ymgymryd ag hyfforddiant i’w gymhwyso i asesu cymwysterau galwedigaethol. Bydd yr ymgeisydd llwyddiannus yn cychwyn gweithio tuag at gymhwyster TAQA Lefel 3 ac mi fydd ei waith yn cael ei gydlofnodi gan Asesydd / Tiwtor profiadol tan ei fod yn gymwys. Byddent hefyd yn derbyn arweiniad a chymorth gan staff profiadol, ynghyd ag amryw o gyfleoedd hyfforddi eraill.

Prif ddyletswyddau a chyfrifoldebau:

• Asesu, tiwtora a chefnogi’r dysgwyr gan sicrhau eu bod yn cyrraedd safon o’r lefel uchaf.
  
  
• Ymweld â’ch carfan o ddysgwyr yn rheolaidd dros yn y gweithle.
  
  
• Asesu cymwysterau Gwaith Ieuenctid Lefel 2 a 3, gan sicrhau bod y gwaith asesu yn digwydd mewn da bryd.
  
  
• Goruchwylio profion ac asesiadau dysgwyr, yn ôl y galw.
  
  
• Mewn cydweithrediad gyda’r timoedd prentisiaethau eraill, creu deunyddiau ac adnoddau dysgu addas.
  
  
• Cynllunio rhaglenni eich dysgwyr.
  
  
• Cynnal gweithdai rhithiol ac wyneb yn wyneb, yn ôl y galw. (Mae’n bosib i’r sesiynau yma cael ei gynnal yn hwyrach yn y prynhawn a gyda’r nos yn ôl yr alw. Bydd amserlen yn cael ei rhannu o flaen llaw).
  
  
• Cydweithio yn agos â thimau eraill yr adran i rannu arferion da.
  
  
• Cynnal cofnodion cyrhaeddiad dysgwyr.
  
  
• Cynnal adolygiadau rheolaidd gyda dysgwyr a rhannu gwybodaeth addas gyda chyflogwyr yn fisol.
  
  
• Cydweithio gyda thîm HWB Sgiliau Hanfodol i sicrhau bod sgiliau hanfodol prentisiaid yn cael eu datblygu yn gyfredol trwy gydol eu prentisiaeth.
  
  
• Defnyddio technoleg a meddalwedd addas i hybu cyrhaeddiad dysgwyr.
  
  
• Diweddaru a chynnal Cynllun Unigol Dysgwyr.
  
  
• Mynychu cyfarfodydd Tîm a rhannu gwybodaeth ynglŷn â chynnydd eich gwaith a’ch dysgwyr.
  
  
• Cymryd rhan ymroddgar i’r cyfarfodydd tîm a safoni.
  
  
• Ymgymryd â Datblygiad Proffesiynol Parhaus a’i chofnodi’n briodol.
  
  
• Hybu sgyrsiau agored gyda dysgwyr ar amryw o bynciau a’i gyfeirio at adnoddau pellach.
  
  
• Ymgymryd â dyletswyddau ychwanegol gan eich Rheolwr yn ôl y galw.
  
  
• Gweithio o fewn Cod Ymarfer y Cyngor Gweithlu Addysg.
  
  
• Gweithredu mewn modd sydd yn hybu lles, iechyd meddwl a corfforol iach a datblygiad proffesiynol dysgwyr ac aseswyr